Ang pagsisimula ng REGION 11 bakbakan sa TNT

Ngayong mataas ang presyo ng mga bilihin, hindi masamang higpitan muna ang sinturon. Pero dito sa "It's Showtime," hindi namin kayo titipirin sa kilig at good vibes kasama sina ex-"PBB Collab 2.0" housemates Carmelle Collado at Anton Vinzon. Madlang People received their first delivery of the day—isang parcel ng CarTon kilig moments. Napangiti ang mga tao sa studio dahil sa matatamis na tinginan nina Carmelle at Anton habang inaawit ang "Please Be Careful With My Heart." Kaya napatanong ang Showtime family kung paano nga ba ingatan ang puso? Nakaka-happy sa puso ang kulitan ng mga senior citizens mula Pateros na naki-join sa 'Laro Laro Pick.' Ang game arena, bilang naging korte nang imbestigahan nina Jhong Hilario, Kim Chiu, at Vhong Navarro ang 'agawan' ng pwesto sa game arena. May mga 'witness' pa nga! Sa sobrang cute ng mga lolo't lola, si Jhong, sumuko na. Sabi niya, ito ang pinakamakukulit na seniors sa game arena. Talagang kahit buhok nila'y mapuputi, hindi mauubos ang nakakahawa nilang mga ngiti! Maya-maya pa, sumabak na ang players sa PILImination round kung saan si Cianne Dominguez ang nanguna. Ang paglalaro niya sa jackpot round ay para sa nabunot na lola, si Nanay Sally, na napaiyak habang ikinukuwento ang nararanasang bullying ng kan'yang apo. Bullying is no-no! Huwag gumawa ng masama sa kapwa, baka ma-bad karma. Pero kay Nanay Sally, good karma ang tumama dahil tama ang desisyon ni Cianne lumipat. Nag-uwi si Nanay Sally ng P30,000. Oras na upang Region 11 naman ang bumida sa tanghalan! Sino kaya sa mga buena manong pambato ang pupusuan nina Nyoy Volante, Ogie Alcasid, at Erik Santos? Unang sumalang sa entablado ang pretty 'eabab' na si Gerlyn, na pagkatapos kumanta ng "Nobody's Perfect," hindi makatingin kay Darren Espanto. Malabo pala ang mata ni Gerlyn, kaya si Amy Perez, nag-promise na ipapa-check up ang kan'yang paningin. Another binibini ang nagpakitang-gilas sa 'TNT' stage today. "Saan Darating Ang Umaga," birit ni Chris Jane. Komento ni hurado Erik, mahiyain man siya kung titingnan, pero kapag kumanta na, pasabog ang kumpiyansa. Pero may napansin siyang kulang kaya niya ito nabilangan. #ItsShowtimeOnline #ItsShowtimeFullEpisode #ABSCBNEntertainment #ItsShowtimeSobrangHot